Хан-Уул
Мэдээлэл

Хотын стандартын хэлэлцүүлэг болно

Монгол Улсын нийслэл Улаанбаатар хотын эрх зүйн байдлын тухай хууль 2022 оны нэгдүгээр сарын 1-нээс хэрэгжиж эхэлсэн. Тус хуульд хот стандарттай байхаар тусгасан юм. Хуулийн хэрэгжилтийг хангах хүрээнд эхний ээлжийн есөн бүлгийн 38 хотын стандартыг НИТХ-аар батлуулан, 2022 оны аравдугаар сарын 1-ний өдрөөс мөрдөж эхэлсэн.

Тэгвэл хоёрдугаар ээлжийн 12 бүлгийн 31 хотын стандартыг батлуулахтай холбоотойгоор нийслэлийн нутгийн захиргааны байгууллагууд, иргэд, олон нийтээс санал авах хэлэлцүүлгийг зохион байгуулах гэж байна. Хэлэлцүүлэг маргааш буюу нэгдүгээр сарын 6-нд Нийслэлийн Засаг захиргааны 5 дугаар байр, Иргэний танхимд 09:00 цагаас эхлэх тул иргэд та бүхэн өргөнөөр хамрагдана уу.