Албан бус-Насан туршийн боловсролын төвөөс “Хүүхэд хүмүүжүүлэх эерэг аргуудыг” зөвлөж байна

Насны онцлогыг  мэддэг байх

Хүүхдийнхээ тухайн насны онцлогыг мэддэг байх нь хүүхдээ хүмүүжүүлэх, хүсэл сонирхолыг хүндэтгэн ойлгож харилцах, насанд нь тохирсон үүрэг хариуцлагыг ухамсарлуулахад маш чухал. Бага насны хүүхдэд үсэрдэг, орилдог, зөрүүдэлдэг үеүүд байхаас гадна тоглоомоо эвддэг үе ч гэж байдаг.

Ээж аав үлгэрлэн харуулах

Хүүхэд ихэнх зан үйлийг гэр бүлийн орчин эцэг эхийн харилцаа хандлагаас сурсан байдаг учир та өөрийн хүүхдээс хүсдэг зүйлээ өөрөө үлгэрлэн харуулдаг байгаарай. Үүний тулд та буруу зүйл хийсэн бол хүүхдээсээ уучлалт гуйдаг, тусласны хариуд баярлалаа гэж хэлдэг, хүүхдийнхээ хүсэлтийг сонсдог, хэлсэндээ хүрдэг байх хэрэгтэй.

Хүүхдийнхээ ярьсан зүйлийг тэдний эсрэг ашиглахгүй байх

Хүүхэд ээж аавдаа сэтгэлээ хуваалцаж ярьсан зүйлийг нь хүндрүүлж бодох, зэмлэх, буруушаах зэрэг нь эцэг эх хүүхдийн харилцаанд хана босгож байдаг.

Дуу хоолойний өнгөө тохируулах

Уурласан, загинасан, найрсаг бус өнгө аястай харилцаанд хүүхэд эсэргүүцсэн, хамгаалсан хариу үйлдэл үзүүлж ярианы гол санаанд анхаардаггүй бол эсрэгээрээ зөөлөн тайван харилцаа хүүхдийн анхаарлыг татаж байдаг.

Найз нь байх

Аав ээж гэхээр загинадаг тушаадаг эрх мэдэлтэн биш хүүхдийнхээ хамгийн дотны зөвлөгч дэмжигч найз чинь гэдгийг мэдрүүлээрэй.

Уур бухимдлаа ялгаж сурах

Хүүхдийн хийсэн үйлдэл үнэхээр уур хүргэхүйц байна уу эсвэл өөр хэн нэгэнд уурласан уураа, ажлын стрессээс үүссэн бухимдлаа хүүхэддээ гаргах гээд байна уу гэдгээ тунгаан бодоорой.

Урам зориг өгөх

Хүүхэд өөрийн хариуцлагаа ойлгон хичээл зүтгэл гаргаж, оролдлого хийн багахан ч гэсэн ахиц өөрчлөлт гарахад түүнийг урамшуулан тэвэрч, үнсэж, магтаж, сайшаах нь дахин хийх урам зоргийг өгдөг.

 

 

Шинэ мэдээ

2402 сар

ХАН-УУЛ ДҮҮРГИЙН ОНЦГОЙ КОМИСС ШУУРХАЙ ХУРАЛДАЖ, дүүргийн 21 хороодын онцгой комиссын гишүүд хороодын байрнаасаа шууд онлайнаар холбогдож шуурхай хуралдлаа /2020.02.24/

Хан-Уул дүүргийн Онцгой комиссын дарга Ж.Алдаржавхлан хуваарийн дагуу сар шинийн баярын өдрүүдэд өндөржүүлсэн бэлэн байдалд ажиллаж байгаа алба хаагчдыг хариуцлагатай, иргэдэд халдварт өвчнөөс урьдчилан сэргийлэх мэдээ мэдээлэл, зөвлөмжийг сайтар түгээж ажиллах, дүүргийн нутаг дэвсгэрт олон тахилгат уул, овоо байдаг тул баярын өдрүүдэд эдгээр газрууд руу иргэдийг зорчуулахгүй байхад хяналт тавин хариуцлагатай ажиллахыг дүүргийн Цагдаагийн газар, Онцгой байдлын хэлтэс, Замын цагдаагын хэлтэс, Богдхан уулын дархан цаазат газрын хамгаалалтын захиргаа зэрэг байгууллагуудын удирдлагууд болон онцгой комиссын гишүүдэд тус тус үүрэг болголоо.

Эрэлттэй мэдээ

Хэрэглэгчийн хандалт

3506
11079
134378
5459714

ХӨГЖҮҮЛСЭН: cloudnetwork llc