ХАН-УУЛ ДҮҮРГИЙН 53 ДУГААР ЦЭЦЭРЛЭГИЙН ӨРГӨТГӨЛИЙН БАРИЛГА АШИГЛАЛТАД ОРЛОО

Хан-Уул дүүргийн 1 дүгээр хороонд 53 дугаар цэцэрлэгийн өргөтгөлийн барилга шинээр баригдаж өнөөдөр үүд хаалгаа нээлээ. 

Улсын төсвийн хөрөнгө оруулалтаар 2018-2019 онд он дамжин баригдсан тус цэцэрлэгийн өргөтгөлийн барилга нь 150 хүүхдийн хүчин чадалтай, цэцэрлэгийн хуучин барилга 140 хүүхдийн хүчин чадалтай бөгөөд өнөөдрийн байдлаар 12 бүлэг, 44 багш, ажилтантай, 410 хүүхдэд сургуулийн өмнөх боловсролын үйлчилгээг үзүүлж байна.

Хуучин барилга 1957 онд анх баригдсан, одоогийн өргөтгөлийн барилгыг Барилгын хөгжлийн төв захиалагчийн хяналт тавьж, 1,2 тэрбум төгрөгийн төсөвт өртөгөөр “Хорго групп” ХХК барьж гүйцэтгэсэн байна.  Тус  хорооны хамран сургах тойргийн сургуулийн өмнөх насны хүүхдийн тоо 540 хүүхэд байдаг байна. Нээлтийн үйл ажиллагаанд НИТХ-ын төлөөлөгч, тэргүүлэгч Ц.Байгальмаа, нийслэлийн Боловсролын газрын Санхүү, хөрөнгө оруулалтын төлөвлөлтийн хэлтсийн дарга Ж.Энхтөр, Хан-Уул дүүргийн Засаг даргын орлогч Г.Батсайхан, Боловсролын хэлтсийн дарга Ж.Отгонхорлоо болон бусад албаны хүмүүс, цэцэрлэгийн багш, ажилчид, эцэг, эхчүүд, сурагчид, гүйцэтгэгч компанийн төлөөлөл оролцлоо. 

Шинэ мэдээ

Эрэлттэй мэдээ

Хэрэглэгчийн хандалт

103
52245
142575
4913221

ХӨГЖҮҮЛСЭН: cloudnetwork llc