Хан-Уул дүүргийн төрийн албан хаагчид утааны эсрэг нэгдлээ

Хан-Уул дүүргийн Засаг даргын Тамгын газрын ажилтан, албан хаагчдын санаачлагаар Хан-Уул дүүргийн 250 гаруй ажилтан, аобан хаагчид сайн дураараа утааны эсрэг нэгдэн 2019 оны 10 дугаар сарын 17-ны өдрийн 14:00 цагаас 17:00 цаг хүртэл буюу 3 цагийн дотор 3070 шуудай 76750 кг шахмал түлш савлаж, ажлын хөлсөөрөө зорилтот бүлгийн 20 өрхөд сайжруулсан шахмал түлш хандивлалаа.

Дүүргийн зорилтот бүлгийн буюу өндөр настан ганц бие хэвтрийн хөгшид, өрх толгойлсон олон хүүхэдтэй эхчүүд,  хөгжлийн бэрхшээлтэй  зэрэг 20 өрхүүдийг сонгон өөрсдийн хүчээр савласан шахмал түлшийг Хан-Уул дүүргийн Засаг дарга Ж.Алдаржавхлан, Засаг даргын нэгдүгээр орлогч Г.Батсайхан, Засаг даргын Тамгын газрын дарга Б.Энхболд нар гэрт нь хүргэж өглөө.

Тус сайн үйлсийн аянг Хан-Уул дүүргийн албан хаагчид 10 дугаар сарыг дуустал үргэлжлүүлэх бөгөөд сайн үйлсийн ажлыг эхлүүлэн бодит үр дүнтэй санаачлагатай ажил хэрэгжүүлж буй дүүргийн удирдлагууд, албан хаагчдад иргэд баярлаж,  талархсанаа илэрхийлэн ажлын амжилт хүслээ.

Хан-Уул дүүрэг дэх “Тавантолгой түлш” ХХК-ийн шахмал түлшний дундын агуулах дээр өдөрт дунджаар 10 хүн 600-700 шуудай сайжруулсан түлшийг 300 төгрөгөөр савлаж, бэлтгэдэг бөгөөд шахмал түлшийг савлаж, нөөцлөхөд хүн хүч дутмаг байгааг нь тус компанийн зүгээс уламжилсан. Нөөц бүрдүүлэх ажилд хувь нэмрээ оруулж, ажлын хөлсөөрөө зорилтот бүлгийн иргэдэд түлшээр тусламж өгч бусдыгаа уриалан дуудаж байгаад компанийн зүгээс талархал илэрхийллээ.
 

Эко дүүрэг уриатай Хан-Уул дүүргийн төрийн албан хаагчид дүүргийн төр, хувийн хэвшлийн байгууллагуудын ажилтан, албан хаагчдыг утааны эсрэг хамтдаа тэмцэхийг уриалан дуудаж байна.

Сайн үйлс бүхэн дэлгэрэх болтугай.





 

Шинэ мэдээ

2402 сар

ХАН-УУЛ ДҮҮРГИЙН ОНЦГОЙ КОМИСС ШУУРХАЙ ХУРАЛДАЖ, дүүргийн 21 хороодын онцгой комиссын гишүүд хороодын байрнаасаа шууд онлайнаар холбогдож шуурхай хуралдлаа /2020.02.24/

Хан-Уул дүүргийн Онцгой комиссын дарга Ж.Алдаржавхлан хуваарийн дагуу сар шинийн баярын өдрүүдэд өндөржүүлсэн бэлэн байдалд ажиллаж байгаа алба хаагчдыг хариуцлагатай, иргэдэд халдварт өвчнөөс урьдчилан сэргийлэх мэдээ мэдээлэл, зөвлөмжийг сайтар түгээж ажиллах, дүүргийн нутаг дэвсгэрт олон тахилгат уул, овоо байдаг тул баярын өдрүүдэд эдгээр газрууд руу иргэдийг зорчуулахгүй байхад хяналт тавин хариуцлагатай ажиллахыг дүүргийн Цагдаагийн газар, Онцгой байдлын хэлтэс, Замын цагдаагын хэлтэс, Богдхан уулын дархан цаазат газрын хамгаалалтын захиргаа зэрэг байгууллагуудын удирдлагууд болон онцгой комиссын гишүүдэд тус тус үүрэг болголоо.

Эрэлттэй мэдээ

Хэрэглэгчийн хандалт

3690
11097
134562
5459898

ХӨГЖҮҮЛСЭН: cloudnetwork llc