Хан-Уул дүүрэг нь 2017 оноос “Эко дүүрэг” зорилтыг дэвшүүлээд хог хаягдлын менежментийг сайжруулах тал дээр онцгойлон анхаарч ирсэн. Дүүргийн хэмжээнд 900 гаруй хогийн сав байдаг бөгөөд хүн амын тоо нэмэгдэхийн хэрээр нэмж суурилуулан, өнгө үзэмж болоод чанарыг сайжруулсаар байна.
Уг ажлын хүрээнд хог хаягдал ангилан ялгах 30 ширхэг сав, хог төвлөрүүлэх том оврын 13 ширхэг хогийн савыг нийтийн эзэмшлийн хог хаягдлын цэгүүдэд байршуулж энэ 9 дүгээр сард дуусгахаар ажиллаж байна. Эко дүүргийн төлөө иргэн бүр эзний сэтгэлээр хандаж цэвэр орчныг хамтдаа бий болгоё.
