ХАН-УУЛ ДҮҮРГИЙН НУТГИЙН ЗАХИРГААНЫ БАЙГУУЛЛАГУУДЫН УДИРДАХ АЖИЛТНУУДЫН 2021 ОНЫ 06 ДУГААР САРЫН 14-НИЙ ӨДРИЙН ШУУРХАЙ ЗӨВЛӨГӨӨН ДЭЭР ДҮҮРГИЙН ЗАСАГ ДАРГЫН ӨГСӨН ҮҮРЭГ ДААЛГАВАР /№03/
2021 оны 06 дугаар сарын 14 Улаанбаатар хот
№ | Хэрэгжүүлэх байгууллага | Өгөгдсөн үүрэг даалгаврын товч агуулга | Хугацаа | Хяналт тавих албан тушаалтан |
1 | 2 | 3 | 4 | 5 |
1 | Нийгмийн хөгжлийн хэлтэс, нийт байгууллагууд | Нийт байгууллагууд халдвар, хамгааллын дэглэмээ хэрхэн баримталж иргэдэд үйлчилж байгаа талаар мэдээллээ бэлтгэн Засаг даргын Тамгын газрын Нийгмийн хөгжлийн хэлтэст ирүүлэх | Ажлын 5 хоног | Засаг даргын Тамгын газар |
2 | Хүнс, худалдаа, үйлчилгээний хэлтэс, Мэргэжлийн хяналтын хэлтэс, Онцгой байдлын хэлтэс, Цагдаагийн газар | Коронавируст /Ковид-19/ халдвар нэмэгдэж байгаатай холбогдуулан иргэн, аж ахуйн нэгж, байгууллагуудын халдвар хамгаалалтын дэглэмийг мөрдүүлж, ариутгал, халдваргүйжилтийг сайтар хийлгэж, үйл ажиллагаанд хяналт тавьж ажиллах | Ажлын 5 хоног | Засаг даргын Нэгдүгээр орлогч Б.Цэрэн |
3 | Нийгмийн хөгжлийн хэлтэс, Боловсролын хэлтэс, Эрүүл мэндийн төв | Халдвар тоо нэмэгдэж байгаатай холбогдуулан ажиллах хүч дутагдаж байгаа учир сургууль, цэцэрлэгийн эмч, багш нарыг нэмэлтээр ажиллуулах асуудлыг судалж, танилцуулах. | Ажлын 5 хоног | Засаг даргын орлогч А.Амартүвшин |
4 | Төрийн захиргааны удирдлагын хэлтэс, Нийт байгууллагууд | Дэргэдэх хэлтэс, албадын дарга нар ээлжийн амралт болон чөлөө авахдаа дүүргийн Засаг даргын Тамгын газарт мэдэгдэн зөвшөөрөл авсаны дагуу амралтаа авах | Ажлын 5 хоног | Засаг даргын Тамгын газар |
5 | Санхүү төрийн сангийн хэлтэс, Эрүүл мэндийн төв, Онцгой байдлын хэлтэс | Дүүргийн 13 дугаар хороо Туул тосгоны эмнэлгийг тусгаарлах эмнэлгээр ажиллуулахтай холбогдуулан шаардлагатай зардлыг танилцуулах | Ажлын 5 хоног | Засаг даргын Нэгдүгээр орлогч Б.Цэрэн |
6 | Тохижилт нийтийн аж ахуйн хэлтэс, Онцгой байдлын хэлтэс, Мэргэжлийн хяналтын хэлтэс | Үерийн аюулаас урьдчилан сэргийлж гэр хорооллын айл өрхүүдийн нүхэн жорлон, бохирын цооногт ариутгал, халдваргүйжүүлэлт хийж, халдварт өвчнөөс урьдчилан сэргийлэх ажлуудыг шуурхай зохион байгуулах. | Ажлын 5 хоног | Засаг даргын Тамгын газар |
7 | Тохижилт нийтийн аж ахуйн хэлтэс, Мэргэжлийн хяналтын хэлтэс | Дүүргийн нутаг дэвсгэрт үйл ажиллагаа явуулж байгаа иргэн, аж ахуйн нэгж байгууллагуудын орчны 50 метрийн цэвэрлэгээг тогтмол хийлгэх, хяналт тавьж ажиллах | Ажлын 5 хоног | Засаг даргын Тамгын газар |
8 | Газар зохион байгуулалтын алба, Хүнс, худалдаа, үйлчилгээний хэлтэс, Цагдаагийн газар | Нийтийн эзэмшлийн зам талбайд зөвшөөрөлгүй буусан гаражуудыг нүүлгэн, газрыг чөлөөлөх, “Ажилчны алдар” талбай дахь ТҮЦ-үүдийг нүүлгэх | Ажлын 5 хоног | Засаг даргын Тамгын газар |
9 | Газар зохион байгуулалтын алба, Онцгой байдлын хэлтэс, Мэргэжлийн хяналтын хэлтэс | Үер, усны далан суваг, хамгаалалтын бүсэд зөвшөөрөлгүй буусан айл өрхийг нүүлгэн, газрыг чөлөөлөх арга хэмжээг авах. | Ажлын 5 хоног | Засаг даргын Тамгын газар |
10 | “Нийтлэг үйлчилгээний алба” ОНӨААТҮГ | Дүүргийн Иргэдэд үйлчлэх төв байрны “Нэг цэгийн үйлчилгээний төв”-ийг 2021.08.01-ний өдрийн дотор засварлах ажлыг шуурхай зохион байгуулах | Ажлын 5 хоног | Засаг даргын Тамгын газар |
11 | Нийгмийн хөгжлийн хэлтэс, Онцгой байдлын хэлтэс, Эрүүл мэндийн төв | Шаардлагатай хэлтэс, албадын албан хаагчдыг PCR шинжилгээнд хамруулах ажлыг зохион байгуулах | Ажлын 5 хоног | Засаг даргын Нэгдүгээр орлогч Б.Цэрэн |
12 | Онцгой байдлын хэлтэс, Эрүүл мэндийн төв | Шинжилгээ хийх, зөвлөмж өгөх автобустай багуудын үйл ажиллагааг цэгцэлж, шуурхай зохион байгуулж ажиллах | Ажлын 5 хоног | Засаг даргын орлогч А.Амартүвшин |
13 | Нийгмийн хөгжлийн хэлтэс, Боловсролын хэлтэс | Сургууль, цэцэрлэгийн захирал эрхлэгчидтэй энэ 7 хоногт багтаан цахим хурал хийх тул бэлтгэл ажлыг хангах | Ажлын 5 хоног | Засаг даргын орлогч А.Амартүвшин |
Жич: Үүрэг даалгаврын биелэлтийг 2021.06.17-ны өдрийн 12:00 цагаас өмнө /[email protected]/ цахим хаягаар хүлээн авна