Хан-Уул
Мэдээлэл

ХАН-УУЛ ДҮҮРГИЙН ЦЭЦЭРЛЭГИЙН ХҮҮХДИЙН ҮНДЭСНИЙ БӨХИЙН БАРИЛДААН АМЖИЛТТАЙ ЯВАГДЛАА

Жил бүр уламжлал болон зохион байгуулагддаг ХУД-ийн 5-6 настай хүүхдийн үндэсний бөхийн барилдаан 2017 оны 05 дугаар сарын 15-нд дүүргийн биеийн тамир, спортын хорооны зааланд явагдаж 17 цэцэрлэгийн 64 бөх хурд хүчээ сорин өрсөлдлөө.
Тус барилдааны нээлтийн ажиллагаанд ХУД-ийн БТСХ-ны дарга Д.Жаргалсайхан, ХУД-ийн боловсролын хэлтсийн СӨБ хариуцсан мэргэжилтэн С.Эрдэнэчимэг, 189 дүгээр цэцэрлэгийн эрхлэгч Б.Бямбасүрэн нар оролцлоо.
Барилдаанд 12 дугаар   цэцэрлэгийн бөх Н.Тамир түрүүлж, 73 дугаар цэцэрлэгийн бөх Э.Чингүүн үзүүрлэлээ. Мөн 12 дугаар цэцэрлэгийн бөх С.Сэдэдрагчаа, 165 дугаар цэцэрлэгийн бөх Даш-Өлзий нар шөвгөрлөө. Барилдааны уран гараа дэвээтэй бөхөөр 49 дүгээр цэцэрлэгийн бөх Х.Цэнгүүнжав шалгарсан бол уран барилдаантай бөхөөр 189 дүгээр цэцэрлэгийн бөх Энх-Од шалгарлаа.
Энэ барилдааны хөлийн цэцээр 189 дүгээр цэцэрлэгийн жижүүр сумын заан Ганболд, тайлбарлагчаар БТСХ-ны арга зүйч Н.Дэлгэрдалай нар, ивээн тэтгэгчээр УИХ-ын гишүүн Л.Болд ивээн тэтгэлээ.