Хан-Уул дүүргийн Засаг даргын 2017-2020 оны үйл ажиллагаанд тусгагдсан “Аз жаргалтай амьдрал” зорилтын хүрээнд Хан-Уул дүүргийн Засаг даргын Тамгын газар “MSDI – Шинэ хөгжлийн түлхүүр” ТББ-тай хамтран ажиллах санамж бичиг байгууллаа.
Санамж бичигт Засаг даргын Тамгын газрын дарга Б.Энхболд, “MSDI – Шинэ хөгжлийн түлхүүр” ТББ-ын захирал Б. Анхбаяр, Хөдөлмөр, халамж, үйлчилгээний хэлтсийн дарга Б. Бадамсүрэн, Ахмадын хорооны дарга Д. Совдоо нар гарын үсэг зурлаа.
Санамж бичгийн хүрээнд “Үнэ цэнэтэй Ахмадууд – Эко хуримтлалын бүлэг” төслийг Хан-Уул дүүргийн ахмадуудын дунд хэрэгжүүлэх юм. Тус төслийг хэрэгжүүлснээр ахмадууд маань өөртөө болон үр, хүүхэд, ач зээгийнхээ ирээдүйд томоохон хөрөнгө оруулалт хийж үлгэрлэх, уриалах юм.
Түүнчлэн “Үнэ цэнэтэй Ахмадууд – Эко хуримтлалын бүлэг” төслийн хүрээнд дүүргийн ахмадуудын дунд сургалт, нөлөөллийн ажлууд зохион байгуулан, ахмад настнуудын нийгмийн оролцоог нэмэгдүүлэх цаашлаад тэдэн рүү хандсан нийгмийн чиглэлийн олон талт үйл ажиллагаанд хамтран ажиллахаар боллоо.
