ЕБС-ийн сурагчдын дунд “БИЧИГ СОЁЛОО ӨВЛӨЕ” уралдаан 2018 оны 04 дүгээр сарын 20-ны өдөр 114 дүгээр сургууль дээр зохион байгуулагдаж, шилдгүүдээ тодруулан бүтээлийн үзэсгэлэн гаргалаа.
Уралдааны зорилго нь Монгол бичгийн үндсэний хөтөлбөрийг хэрэгжүүлэх, НБГ-аас 2018 оныг “Эх хэлний боловсролыг дэмжих жил” болгосонтой уялдуулан сурагчдын эх хэлний боловсролыг чанарыг сайжруулах, тэдний авьяас чадварыг хөгжүүлэхэд оршино. Уралдааныг Хан-Уул дүүргийн 114-р сургуулийн бага ангийн багш Б.Оюунцэцэг 2013 онд анх санаачлан өөрийн сургуулийн багш сурагчдын дунд 4 жил зохион байгуулсан бөгөөд өнгөрсөн хичээлийн жилд монгол хэл уран зохиолын багш нартайгаа хамтран “Нисэх-Био” бүсийн сургуулиудын дунд зохион байгуулсан нь үр дүнтэй болсон билээ.
Энэхүү уралдааныг 114-р сургуулийн удирдлагууд 2018 оноос дүүргийн хэмжээний ажил болгохоор зорин ажиллаж байна. Уралдааны 3 төрөлд дараах сурагчид шалгарлаа. Үүнд:
VI-VII ангийн сурагчдын дунд зохион байгуулсан “ХИЧЭЭНГҮЙ УРАН БИЧЛЭГ”-ийн төрөлд :
I байранд 52-р сургуулийн 6г ангийн сурагч Ц.Нинжин
II байранд 41-р сургуулийн 6а ангийн сурагч М.Мөнхсайхан
III байранд 52-р сургуулийн 6г ангийн сурагч А.Мөнх-Үжин
Тусгай байранд 114-р сургуулийн 7а ангийн сурагч М.Ундрахбаяр
VIII-IX ангийн сурачдын дунд зохион байгуулсан “БИЧВЭРИЙН БУС” төрөлд:
I байранд 18-р сургуулийн 9б ангийн сурагч Н.Намуундарь
II байранд 18-р сургуулийн 9б ангийн сурагч н.Ганболор
III байранд 26-р сургуулийн 9б ангийн сурагч н.Марал
Тусгай байранд Буянт-Ухаа цогцолбор сургуулийн 9а ангийн сурагч н.Ундармаа
X- XI ангийн сурачдын дунд зохион байгуулсан “БИЧВЭРИЙН БУС” төрөлд:
I байранд Шинэ зуун билиг сургуулийн 10а ангийн сурагч О.Саруул
II байранд Шинэ зуун билиг сургуулийн 11а ангийн сурагч М.Жаргалмаа
III байранд 15-р сургуулийн 10а ангийн сурагч Б.Туул
Тусгай байранд 26-р сургуулийн 10а ангийн сурагч О.Хэрлэн нар шалгарч, Өргөмжлөл мөнгөн шагналаар шагнагдав.
Мөн ШИЛДЭГ СУРГУУЛИАР Улсын тэргүүнийн 18 дугаар сургууль шалгарч Өргөмжлөл, шилжин явах цомын эзэн боллоо.
