Дүүргийн Боловсролын хэлтсээс 2017-2018 оны хичээлийн жилд ЕБС-ийн төгсөх ангийн сурагчдад мэргэжил сонголтоо зөв хийхэд дэмжлэг үзүүлэх зорилготой олон ажлуудыг зохион байгуулж байгаа билээ.
Хан-Уул дүүргийн Засаг даргын тамгын газар , Боловсролын хэлтэс хамтран “Миний ирээдүй–Миний гарт” аяны хүрээнд Солонгосын Кёнсан их сургуулийн үйл ажиллагааг танилцуулах ”Нээлттэй өдөрлөг”-ийг 2018 оны 04 дүгээр сарын 28-ны өдөр дүүргийн Соёлын ордонд зохион байгууллаа.
Өдөрлөгт хэлтсийн дарга Ж.Отгонхорлоо, ахлах мэргэжилтэн Ц.Батбаяр, Төрийн захиргааны удирдлагын хэлтсийн Гадаад харилцаа, хамтын ажиллагааг хариуцсан мэргэжилтэн К.Асылжан, ЕБС-ийн төгсөх ангийн сурагч, эцэх эхийн төлөөлөл, сургуулийн удирдлага, багш нар оролцлоо.
