Хан-Уул дүүргийн 20 дугаар хорооны нутаг дэвсгэр дэх “Хан-Уул дүүргийн Соёлын ордон”-ны баруун талд “ЛЭЦ” ХХК-д Нийслэлийн Засаг даргын 2016 оны А/150 дугаар захирамжаар 412м2 газар эзэмших эрх олгогдсон бөгөөд тус компани нь эзэмшил газар дээрээ 4 давхар барилга барин үйл ажиллагаагаа явуулж ирсэн.
/2021.02.05/ өдөр өөрийн барилгын хойд талд байсан хайс, хашлагыг буулган, барилгын хашаа барьж эхэлсэн тул 20 дугаар хорооны иргэд, оршин суугчдын санал, гомдлын дагуу Хан-Уул дүүргийн Засаг дарга Ж.Алдаржавхлан Нийслэлийн Засаг дарга Д.Сумъяабазарт тус компанийн үйл ажиллагааг хууль, журмын дагуу шийдвэрлэн өгч, иргэдийг амар тайван амьдрах орчинг бүрдүүлэхэд дэмжин ажиллах албан хүсэлтийг хүргүүллээ.
