/2023.09.01/ 2023-2024 оны хичээлийн жилд Хан-Уул дүүрэгт Ерөнхий боловсролын 65 сургуульд 57 мянган сурагч суралцах бол 131 цэцэрлэгт 25 мянга гаруй хүүхэд хамрагдлаа. Нэгдүгээр ангид 6805 сурагч элсэн орохоор бүртгүүлж, эрдмийн их өргөөндөө алхан орлоо.
Өнөөдөр дүүргийн Засаг дарга Ж.Алдаржавхлан 85 жилийн түүхтэй Нисэхийн 7 дугаар сургуулийн хичээлийн шинэ жилийн нээлтэнд оролцож, хүүхэд багачууддаа мэндчилгээ дэвшүүллээ.
“Энэ хичээлийн шинэ жилд Хан-Уул дүүрэгт нийт 1040 хүүхдийн ортой 7 цэцэрлэг, 2000 гаруй хүүхдийн суудалтай 3 сургууль шинээр ашиглалтад орно. Мөн 1939 онд анх байгуулагдсан Нисэхийн 7-р сургуулийн хуучин барилгын энэ оны 11 дүгээр сараас эхлэн хэсэгчлэн нурааж, нийслэл, дүүргийн хөрөнгөөр шинэ сургууль барих барилгын ажлыг ирэх жил эхлүүлэхээр болсон баяртай мэдээ дуулгаж байгаадаа таатай байна. Та бүхэндээ хичээлийн шинэ жилийн баярын мэндийг хүргэж, эрдмийн их аянд нь өндөр амжилт хүсье” гэв.
