Дүүргийн Засаг даргын захирамжаар дүүргийн нутаг дэвсгэр дэх нийтийн эзэмшлийн зам талбайд стандарт мөрдүүлэх, гадна зар сурталчилгаа байрлуулахад дагаж мөрдөх журмын хэрэгжилтийг хангуулах үүрэг бүхий ажлын хэсэг 2024 оны 4 дүгээр сарын 01-ээс 5 дугаар сарын 01-ний өдөр хүртэл ажиллана.Тус ажлын хүрээнд Худалдаа үйлчилгээний газрын гадна сурталчилгааны байгууламжийн ерөнхий шаардлага UCS 1202B: 2022 оны стандарт, Монгол хэлний үндэсний бодлогын зөвлөлөөс гаргасан хаяг хаягийн байгууламжийн MNS 52835: 2022 стандартыг хангуулах, нийтийн эзэмшлийн талбайд зөвшөөрөлгүй самбар байршуулсан зөрчлийг арилгах зэрэг арга хэмжээ үе шаттай авч ажиллаж байна.
