Хан-Уул
Мэдээлэл

“ДАНШИГ НААДАМ-ХҮРЭЭ ЦАМ” НААДАМД АМЖИЛТТАЙ ОРОЛЦЛОО

Монголын соёл, шашны зан үйлийг аялал жуулчлалын бүтээгдэхүүн болгон хөгжүүлж, нийслэл Улаанбаатар хотыг олон улсад сурталчлах зорилготой “Даншиг наадам-Хүрээ цам” шашин, соёлын наадам 2024 оны 8 дугаар сарын 3,4-ний өдрүүдэд Хүй 7 худагт зохион байгуулагдлаа. Ес дэх жилдээ зохиогдож байгаа тус наадамд Хан-Уул дүүргийн Засаг даргын Тамгын газар, Соёлын ордон, Жижиг дунд үйлдвэрлэлийг дэмжих төв, Хан Эко тээвэр ААТҮГ, Соёлын ордны дэргэдэх “Уянга өөдөө” хамтлаг, дүүргийн соёлын биет бус өвийг өвлөн тээгч, авьяастнуудын хамт оролцож, наадмын соёлын талбай, Бөмбөгөр театрт 2 өдрийн турш хөтөлбөрийн дагуу тоглон, дүүргийн Соёлын өргөөндөө 1600 гаруй иргэд, жуулчдад өв соёлоо сурталчлан ажиллалаа.