НИЙСЛЭЛИЙН УДИРДАХ АЖИЛТНУУДЫН 2025 ОНЫ 02 ДУГААР САРЫН 10-НЫ ӨДРИЙН ШУУРХАЙ ЗӨВЛӨГӨӨН ДЭЭР НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧААС ӨГСӨН ҮҮРЭГ ДААЛГАВАР /№04/
2025 оны 02 дугаар сарын 11 Улаанбаатар хот
| № | Хэрэгжүүлэх байгууллага | Өгөгдсөн үүрэг даалгавар | Хугацаа |
| АГААРЫН БОХИРДЛЫГ БУУРУУЛАХ АЖЛЫН ХҮРЭЭНД | |||
| 1. | Тохижилт, нийтийн аж ахуйн хэлтэс | Өндөржүүлсэн бэлэн байдлын хүрээнд алсын зайн мэдрэгчтэй угаарын хий мэдрэгчийг шууд худалдан авах гэрээ байгуулах ажлаа эрчимжүүлж, угаарын хийн хордлогоос урьдчилан сэргийлж 24 цагийн хяналтыг тавьж, угаарын хий мэдрэгчийг айл, өрхүүдэд суурилуулах ажлыг зохион байгуулах. | Ажлын 2 хоног |
| 2. | Төлөвлөлт, гүйцэтгэлийн удирдлагын хэлтэс, | Хөрөнгө оруулалт, бүтээн байгуулалтын ажлын хүрээнд зураг төсөв, ажлын даалгавар, техникийн тодорхойлолт ирээгүй удааширч буй төсөл, арга хэмжээг эрчимжүүлж, холбогдох байгууллагууд ажлын тоо хэмжээгээ яаралтай гарган Хөрөнгө оруулалтын газарт хүргүүлэх. | Ажлын 2 хоног |
| ХУДАЛДАН АВАХ АЖИЛЛАГААНЫ ХҮРЭЭНД | |||
| 3. | Төрийн захиргааны удирдлагын хэлтэс, Худалдан авах ажиллагааны алба | Нийслэлийн нутгийн захиргааны байгууллагууд ажилтан, албан хаагчдаа А3-н сургалтад хамруулж, ажлын байрны тодорхойлолт тусгаж ажиллах. | Ажлын 2 хоног |
| ХОТ НИЙТИЙН АЖ АХУЙН ЧИГ ҮҮРГИЙН ХҮРЭЭНД | |||
| 4. | Тохижилт, нийтийн аж ахуйн хэлтэс, Хог тээврийн байгууллагууд | Нийслэлийн 9 дүүргийн хэмжээнд нийтийн эзэмшлийн гудамж, зам талбайн хог хаягдлыг цэвэрлэх, фасад, хайс хашааг угаах ажлыг зохион байгуулах захирамж гаргах. | Ажлын 2 хоног |
| 5. | Тохижилт, нийтийн аж ахуйн хэлтэс | Инженерийн шугам сүлжээний хэвийн, найдвартай ажиллагааг хангаж, ус, дулаан, цахилгаан хангамжаар байгууллага, иргэдийг тасалдуулахгүй, гэнэтийн гэмтэл, саатал гарахаас урьдчилан сэргийлэх. | Ажлын 2 хоног |
| 6. | Тохижилт, нийтийн аж ахуйн хэлтэс, Онцгой байдлын хэлтэс | Нийслэлийн хэмжээнд үер, усны аюулаас урьдчилан сэргийлэх ажлын хүрээнд Хан-Уул дүүргийн нутаг дэвсгэр яармагт орон сууцны барилга барьсан аж ахуйн нэгж, байгууллагуудын удирдлагуудтай уулзалт зохион байгуулах. | Ажлын 2 хоног |
| ЦАГИЙН ҮЕИЙН БУСАД АЖЛЫН ХҮРЭЭНД | |||
| 7. | Цагдаагийн газар, Онцгой байдлын хэлтэс | Нийслэлийн хэмжээнд гэмт хэрэг, зөрчил болон гал түймрийн аюулаас урьдчилан сэргийлэх зорилгоор нийтийн байрнуудад хяналт шалгалтыг зохион байгуулах. | Ажлын 2 хоног |
| 8. | Хүнс, худалдаа үйлчилгээний хэлтэс, Хууль, эрх зүйн хэлтэс | Нийслэлийн томоохон худалдааны төвүүдийг Улаанбаатар хотоос гаргахад тохиолдох эерэг, сөрөг үр дагаврыг судлах, иргэд, олон нийтийн хэлэлцүүлэг зохион байгуулж, иргэдээс гаргасан саналыг зөвшилцлийн үндсэн дээр тусгах замаар үе шаттайгаар нүүлгэн шилжүүлэх төлөвлөгөө боловсруулах ажлыг эрчимжүүлэх. | Ажлын 2 хоног |
| 9. | Хууль, эрх зүйн хэлтэс | Хуулиас давсан шаардлага, шалгуур тавьсан журмын зохицуулалтыг цэгцэлж судалгаа гаргаж танилцуулах | Ажлын 2 хоног |
| 10. | Замын цагдаагийн хэлтэс | Замын хөдөлгөөний аюулгүй байдал хангах, замын хөдөлгөөний дүрэм зөрчсөн жолооч нарт хариуцлага тооцох арга хэмжээ авч, хуурамч дугаартай тээврийн хэрэгслийг илрүүлэх ажлыг зохион байгуулах. | Ажлын 2 хоног |
| 11. | Хүнс, худалдаа үйлчилгээний хэлтэс | Сүхбаатарын талбай дээр 2025 оны 04 дүгээр сарын эхний 7 хоногт “Хоолны өдөрлөг” зохион байгуулах бэлтгэл хангаж ажиллах. | Ажлын 2 хоног |
| 12. | Төрийн захиргааны удирдлагын хэлтэс | Дээд шатны байгууллагууд болон нийслэлийн удирдлагуудаас зохион байгуулж байгаа хурал, зөвлөгөөн, уулзалтад байгууллагын удирдлага биечлэн оролцож байх. | Ажлын 2 хоног |
Жич: Үүрэг даалгаврын биелэлтийг 2025.02.12-ны өдрийн 15:00 цагаас өмнө /[email protected]/ цахим хаягаар хүлээн авна.