“Мөрөөдлийнхөө төлөө-Шударга өрсөлдье” уриан дор Улаанбаатар хот, Орхон аймагт Монголын хүүхдийн өвлийн спортын VIII наадам амжилттай зохион байгуулагдлаа.
Наадамд 7 дүүрэг 15 аймгийн нийт 546 тамирчин 478 багц медалийн төлөө өрсөлдсөнөөс Хан-Уул дүүргийн баг тамирчид спортын долоон төрөлд 7 дасгалжуулагч, 56 тамирчны бүрэлдэхүүнтэйгээр оролцож алтан медаль 5, мөнгөн медаль 6, хүрэл медаль 3 нийт 14 медаль хүртсэнээр дүүргүүдийн багийн нийлбэр дүнгээр гутгаар байрт шалгарлаа.
Энэхүү өвлийн наадамд анх удаа багтаж байгаа тусгай олимпын 2 төрөлд Хан-Уул дүүргээ төлөөлөн С.Эрдэнэбаатар захиралтай Б.Ганболд дасгалжуулагчтай 63-р сургуулийн 5 тамирчин оролцож гүйлтийн цана болон цасны гуталтай гүйлтийн төрлүүдэд өрсөлдөж хос хүрэл медаль хүртлээ.
Тэмцээндээ амжилттай оролцсон нийт багш дасгалжуулагчид, тамирчдадаа талархал илэрхийлье.
