Уулзалтыг нээж, Хан-Уул дүүргийн Засаг даргын орлогч Ч.Базарзаяа Монгол Улсын Засгийн Газрын “Түүхий нүүрсийг хориглох тухай” 2018 оны 62, 2022 оны 223-р тогтоолын хүрээнд хатуу түлшийг хориглож дэвшилтэт технологи ашиглаж халаалт дулаанаа шийдвэрлэх бодлогыг хэрэгжүүлж байгаа, тиймээс аж ахуй нэгж байгууллагад хөнгөлөлт үзүүлж, ногоон зээлийг олгох гэж буйг онцлон хамтран ажиллахыг уриаллаа.
Агаарын бохирдлыг бууруулах Үндэсний хорооны Ажлын албаны дарга С.Даваасүрэн “Аж ахуйн нэгжүүд өөрийн хэрэглээнд нийцсэн технологийн шийдлийг олчихвол төрөөс анхны хөрөнгө оруулалт болон зээлийн хүүгийн хөнгөлөлт үзүүлэх замаар санхүүгийн дэмжлэг үзүүлж дарамт учруулахгүй байдлаар шийднэ” гэлээ.
Мөн БОУАӨЯ-наас аж ахуйн нэгжийн орлогын албан татварын нэг хувийн хөнгөлөлтийн санхүүжилтийг ашиглах боломжийн талаар мэдээлэл өгч, Төрийн банк ногоон зээлийн үйлчилгээг танилцууллаа.