Дүүргийн нутаг дэвсгэрийн хэмжээнд бүх нийтийн их цэвэрлэгээг үе шаттайгаар зохион байгуулж, 2025 оны 03 дугаар сарын 22-ны өдрөөс эхлүүлээд байна.
Цэвэрлэгээний 1 дүгээр ээлж:
Нийтийн эзэмшлийн гудамж зам талбайн хайс хашлага, ногоон байгууламжийн цэвэрлэгээ үйлчилгээ, арчлалт хамгаалалт, цэнэг усалгаа, хүүхдийн тоглоомын талбай, автобусны буудлын цэвэрлэгээ, үерийн далан суваг, гуу, жалга дагуух түүвэр цэвэрлэгээг хийж гүйцэтгэлээ.
Өнөөдрийн цэвэрлэгээгээр:
Автобусны буудал, замын хажуугийн тэмдэг тэмдэглэгээг угааж, өнгө үзэмжийг сэргээх хөөстэй угаалгад зам талбайн 233 ажилтан ажиллаж, 192 автобусны буудал, 479 сандал, 2067 тэмдэг тэмдэглэгээ, 671 хогийн сав, 32 тоглоомын талбай, 25,471 урт метр хайс хашлага, 23 хөшөө дурсгал, байгууламжийг угааж цэвэрлэлээ.
Цэвэрлэгээнээс гарсан 310 тонн хог хаягдлыг 64 рейсээр ачиж тээвэрлэлээ.
