2024 онд Дүүргийн прокурорын газрын хяналтад шалгагдсан хэрэг бүртгэлтийн 9813 хэргээс
- 458 буюу 4.6 хувь нь “Хүний амьд явах эрхийн эсрэг гэмт хэрэг”
- 840 буюу 8.5 хувь нь “Хүний эрүүл мэндийн эсрэг гэмт хэрэг”
- 2792 буюу 28.4 хувь нь “Хулгайлах”
- 3706 буюу 37.7 хувь нь “Залилах” гэмт хэрэг байгаа бөгөөд үүн дотор цахим хэрэгсэл ашиглан залилах гэмт хэрэг 1766 буюу 63.2 хувийг эзэлж байна.
Харин мөрдөн байцаалтын 2254 хэргээс 38 буюу 1.7 хувь нь “Хүний амь явах эрхийн эсрэг гэмт хэрэг”, 545 буюу 24.1 хувь нь “Хүний эрүүл мэндийн эсрэг гэмт хэрэг”, 273 буюу 12.1 хувь нь “Хулгайлах”, 1259 буюу 55.8 хувь нь “Залилах” гэмт хэрэг байгаа бөгөөд цахим хэрэгсэл ашиглан залилах гэмт хэрэг 973 буюу 77.2 хувьтай байжээ.
2024 онд кибер аюулгүй байдлын эсрэг болон цахим сүлжээ, цахим хэрэгсэл ашиглаж үйлдсэн хэрэг бүртгэлт, мөрдөн байцаалтын нийт 2739 хэрэгт мөрдөн шалгах ажиллагаа явуулснаас 1766 буюу 64.5 хувьд хэрэг бүртгэлт, 973 буюу 35.5 хувьд мөрдөн байцаалтын ажиллагаа явуулсан байна.
Үүнээс хэрэг бүртгэлтийн ажиллагаа явуулсан 1766 хэргээс 257 буюу 14.5 хувийг хааж, 245 буюу 13.8 хувьд эрүүгийн хэрэг үүсгэж яллагдагчаар татаж, 2 буюу 0.1 хувийг нэгтгэж, 27 буюу 1,5 хувийг харьяаллаар шилжүүлсэн, 1235 хэргийн үлдэгдэлтэй байна.
Мөрдөн байцаалт явуулсан 973 хэргээс 856 буюу 88 хувийг нэгтгэж, 53 буюу 5,4 хувийг харьяаллаар шилжүүлж, 43 хүнд холбогдох, 42 хэрэгт яллах дүгнэлт үйлдэн, 2 хэргийн мөрдөн байцаалтыг түдгэлзүүлсэн, 20 хэргийн үлдэгдэлтэй байна.
Хэрэг бүртгэлт, мөрдөн байцаалтын ажиллагаа явуулсан хэрэгт нийт 9,309,019,335 төгрөгийн хохирол учирснаас 593,000 төгрөгийг нөхөн төлүүлсэн нь өмнөх онтой харьцуулахад хэрэг бүртгэлт, мөрдөн байцаалтын ажиллагаа явуулсан хэрэг 418 буюу 18 хувь, хэрэг бүртгэлтийн хэрэг 446 буюу 33.7 хувь, хэрэг бүртгэлтийг хаасан 53 буюу 26 хувиар тус тус өссөн бол мөрдөн байцаалтын хэрэг 28 буюу 2.8 хувиар буурсан байна. Гэмт хэргийн улмаас учирсан хохирол 4,128,323,868 төгрөгөөр өсжээ.