НҮБ-ын Ерөнхий Ассамблейн шийдвэрээр 2007 онд НҮБ-ын бүх гишүүн орнуудыг аутизмын хүрээний эмгэгтэй хүмүүсийг ойлгуулж таниулах арга хэмжээ авахыг уриалсан байна. Ийнхүү 2008 оноос жил бүрийн 4 дүгээр сарын 2-ны өдрийг Аутизмыг таниулах дэлхийн өдөр болгон тэмдэглэж эхэлжээ.
Аутизм нь хүний хэл яриа, нийгмийн харилцаа, зан үйлийн хэв маягт нөлөөлдөг хөгжлийн эмгэг юм. Ихэвчлэн бага насанд илэрдэг бөгөөд хүн бүрд өөр өөрөөр илэрдэг онцлогтой.Зарим хүмүүст нийгмийн харилцаа, харилцан ярианд бэрхшээл учруулдаг бол бусад нь тодорхой ур чадвар, сонирхлын тал дээр онцгой авьяас илрэх тохиолдол ч байдаг.
ШИНЖ ТЭМДГҮҮД 3 ХҮРТЭЛХ НАС
Инээмсэглэх нь ховор
Дуу авиа, нүүрний хувирлыг дуурайдаггүй
Нэрээр нь дуудахад хариу үзүүлэхгүй
Гар хөлөө өвөрмөц байдлаар хөдөлгөдөг
Өөртөө анхаарал татах гэж оролддоггүй
Хариу үйлдэл удаан гэх мэт
ШИНЖ ТЭМДГҮҮД 3-6 НАС
Дуудахад сонсоогүй юм шиг байдаг
Хэлд орохгүй, оройтож хэлд орно, давтаж хэлдэг
Тоо, үсэг дүрсэнд хэт дурладаг
Давтамжтай үйлдэл хийдэг /гараа сэгсрэх, эргэлдэх/
Тоглоомоор тоглохгүй
Үг, өгүүлбэрээ маш олон удаа давтаж хэлдэг
Дохио зангаа ойлгодоггүй гэх мэт
Эцэг эхчүүд аутизмийн хүрээний эмгэгт эрт үед нь илрүүлж, мэргэжлийн хүмүүст хандсанаар хүүхдийн хөгжлийг дэмжиж, бие даан амьдрах чадвартай болгох бүрэн боломжтой.