Олон улсын Улаан загалмай, Улаан хавирган сар нийгэмлэгүүдийн холбооноос санаачлан хэрэгжүүлж буй “Энэрэнгүй үйлсийн талд” хүмүүнлэгийн аян Хан-Уул дүүргийн хэмжээнд 2025 оны 5 дугаар сарын 27-ны өдөр эхэллээ. Энэхүү аян нь иргэд, байгууллагуудад гамшиг, ослын үед анхны тусламж үзүүлэх мэдлэг, дадлага олгох, хүнлэг, энэрэнгүй нийгмийг хамтдаа бүтээх зорилготой юм. Аяныг дэмжиж, Хан-Уул дүүргийн Засаг даргын Тамгын газрын албан хаагчид Олон улсын Улаан загалмайн нийгэмлэгийн гишүүнээр элсэж, анхны тусламжийн сургалтад амжилттай хамрагдлаа. 
