2023 оны 06 сарын 02-ны өдөр Дугаар А/319 Улаанбаатар хот
Өдөрлөгийн үйл ажиллагаанд дэмжлэг
үзүүлэх зарим арга хэмжээний тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 27 дугаар зүйлийн 27.5.4, 62 дугаар зүйлийн 62.1.9, 66 дугаар зүйлийн 66.1 дэх хэсэг, Цагдаагийн албаны тухай хуулийн 16 дугаар зүйлийн 16.4, Эрүүл мэндийн тухай хуулийн 11 дүгээр зүйлийн 11.1.2 дахь заалт, Гамшгаас хамгаалах тухай хуулийн 32 дугаар зүйлийн 32.1.8 дахь заалтыг тус тус үндэслэн ЗАХИРАМЖЛАХ нь:
- Төр, хувийн хэвшлийн түншлэлийг сайжруулах ажлын хүрээнд 2023 оны 06 дугаар сарын 04-ний өдөр зохион байгуулагдах “Бүтээгч Хан-Уулчууд 2023” өдөрлөгийн үйл ажиллагаанд нийтийн хэв журам, олон нийтийн аюулгүй байдлыг хангах, эрүүл мэндийн тусламж, үйлчилгээ, болзошгүй аюулт үзэгдэл, ослоос урьдчилан сэргийлэх зорилгоор дараах арга хэмжээг авч хэрэгжүүлэхийг дор дурдсан байгууллага, албан тушаалтанд даалгасугай. 1.1 Дүүрэг дэх Цагдаагийн газар (Т.Дамбийням)-т а/ Нийтийн хэв журам, олон нийтийн аюулгүй байдлыг хангах, гэмт хэрэг, зөрчлөөс урьдчилан сэргийлэх үйл ажиллагааг зохион байгуулах; б/ 2023 оны 06 дугаар сарын 04-ний өдөр өдөрлөг зохион байгуулагдах гудамж, талбай болон дотогш замуудад авто замын хөдөлгөөнд зохицуулалт хийх, иргэдийг чөлөөтэй зорчих нөхцөлийг бүрдүүлэх; 1.2 Онцгой байдлын хэлтэс (Б.Бат-Эрдэнэ)-т а/ Болзошгүй аюулт үзэгдэл, ослын үед ажиллах мэргэжлийн анги, бие бүрэлдэхүүнийг томилгоожуулан бэлэн байдлыг хангах; б/ Худалдаа, үйлчилгээ, үзвэр, үйлчилгээнд оролцогч иргэн, аж ахуй нэгж, байгууллагад галын аюулгүй байдлыг хангах талаар заавар, зөвлөгөө үзүүлэх, хяналт тавих; 1.3 Эрүүл мэндийн төв (Э.Бодьцэцэг)-д, Нэгдсэн эмнэлэг (Т.Энхзаяа)-т а/ Өдөрлөгийн үед яаралтай эрүүл мэндийн тусламж, үйлчилгээ үзүүлэх эмчийн багийг томилгоожуулан, түр цэг байгуулах; б/ Яаралтай үед ажиллах эмч, эмнэлгийн хэрэгсэл, авто машины бэлэн байдлыг хангах;
- Өрхийн эрүүл мэндийн төвүүдээс шаардлагатай эмч, эмнэлгийн хэрэгслийг татан төвлөрүүлж зохион байгуулалтын арга хэмжээ авах
- Захирамжийн хэрэгжилтэд хяналт тавьж ажиллахыг Засаг даргын орлогч Б.Цэрэнд үүрэг болгосугай.
ЗАСАГ ДАРГА Ж.АЛДАРЖАВХЛАН