2024 оны 07 сарын 18-ны өдөр Дугаар А/448 Улаанбаатар хот
Захирамжийн хавсралтад өөрчлөлт
оруулах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Төсвийн тухай хуулийн 14 дүгээр зүйлийн 14.2.3, Хан-Уул дүүргийн иргэдийн Төлөөлөгчдийн Хурлын 2021 оны 01 дүгээр сарын 20-ны өдрийн 01 дүгээр тогтоол, 2023 оны 12 дугаар сарын 19-ний өдрийн 26 дугаар тогтоол, Хан-Уул дүүргийн Засаг даргын зөвлөлийн 2024 оны 07 дугаар сарын 18-ны өдрийн 25 дугаар хурлын тэмдэглэлийг тус тус үндэслэн ЗАХИРАМЖЛАХ нь:
1.Дэд хөтөлбөр хэрэгжүүлэх тухай Хан-Уул дүүргийн Засаг даргын 2024 оны А/24, А/406 дугаар захирамжийн хавсралтаар батлагдсан төсвийн жагсаалтад өөрчлөлт оруулсугай.
2.Захирамжийн хавсралтад заасан төсөл, арга хэмжээнд шаардагдах төсвийг холбогдох хууль, тогтоомжид нийцүүлэн хөтөлбөрүүдийн зардлаас санхүүжүүлэхийг Засаг даргын Тамгын газар (С.Энхбаяр)-т, Санхүү, төрийн сангийн хэлтэс (М.Цогзолмаа)-т тус тус зөвшөөрсүгэй.
3.Дэд хөтөлбөрийн төсөв, арга хэмжээг хянаж ажиллахыг Засаг даргын Тамгын газар (С.Энхбаяр)-т үүрэг болгосугай.
4.Энэхүү захирамж гарсантай холбогдуулан дүүргийн Засаг даргын 2024 оны 01 дүгээр сарын 15-ны өдрийн А/24 дүгээр захирамжийн хавсралтад тусгагдсан 12 дугаар заалт, 2024 оны 7 дугаар сарын 01-ний өдрийн А/406 дугаар захирамжийн хавсралтад тусгагдсан 10 дугаар заалтыг тус тус хүчингүй болсонд тооцсугай.
ЗАСАГ ДАРГА Б.ЦЭРЭН