Хүүхэд залуучуудад цэрэг-эх оронч үзэл төлөвшүүлэх, бие бялдрын болон ёс суртахуун, сэтгэл зүйн хүмүүжил олгох, эх орноо батлан хамгаалах бэлтгэл эзэмшүүлэх зорилгоор дүүргийн ЕБС-ийн ахлах ангийн сурагчдын дунд уг тэмцээнийг зохион байгуулж байна.
Нээлтийн үйл ажиллагаанд Хан-Уул дүүргийн Засаг дарга Б.Цэрэн хүүхдүүдэд мэндчилгээ дэвшүүлэн, амжилт хүслээ. Мөн дүүргийн удирдлагууд болон холбогдох албаныхан оролцлоо.
Тэмцээнд Хан-Уул дүүргийн Ерөнхий боловсролын 14 сургуулийн 190 сурагч 14 багт хуваагдан, цэрэг-спортын 10 төрөлд авьяас чадвар, хурд хүч, авхаалж самбаагаа сорин өрсөлдөж байна.
