Хан-Уул дүүргийн Засаг даргын Тамгын газар агаарын бохирдол, утаа ихтэй Яармаг, Нисэхийн хороодын Ерөнхий боловсролын сургуулиудын 1, 2, 3 дугаар ангийн 3329 сурагчдад нано шүүлтүүртэй амны хаалт тараалаа.
Үйл ажиллагаанд Засаг даргын орлогч А.Амартүвшин, Засаг даргын Тамгын газрын Нийгмийн бодлогын хэлтсийн дарга Н.Мэндбаяр, Боловсролын хэлтсийн дарга Ж.Отгонхорлоо нар оролцож сургуулиудын үйл ажиллагаатай танилцлаа.
Тус маск нь идэвхжүүлсэн нүүрсэн давхаргатай учраас хүйтний улиралд вирус, бактери, утаа, тоос тоосонцроос 99 хүртэлх хувиар, амьсгалын замын халдварт өвчнөөс 85-90 хүртэлх хувиар хамгаалдаг бөгөөд тусгайлсан клапан суурилуулж өгсөн тул амьсгалыг бүрэн гадагшлуулдаг давуу талтай.
