Хан-Уул дүүргийн хороод болон Өрхийн эрүүл мэндийн төвүүдийн спорт хамтлагуудын дунд “Хөдөлгөөн эрүүл мэнд” сэдэвт шилжин явах “ЦОМ”-ын аварга шалгаруулах 3 төрөлт тэмцээн амжилттай явагдлаа.
Тэмцээн 2018 оны 01 дүгээр сарын 20 -ны өдөр Дүүргийн БТСХ-ны зааланд явагдаж 10 баг 3 төрлөөр авхаалж самбаа хурд хүчээ сорин өрсөлдлөө.
Уг тэмцээн нь Монгол улсын Биеийн тамир, спортын тухай хуулийн 10 дугаар зүйлийн 10.1.2, Засгийн газрын 2009 оны 05, Биеийн тамир, спортын газрын даргын 2017 оны А/82 дугаар тушаалыг хэрэгжүүлэх ажлын хүрээнд дүүргийн спортын хамтлагуудын ажлыг эрчимжүүлж, хороод болон ӨЭМТ-үүдийн хамтын ажиллагааг сайжруулахад гол зорилго оршино.
Тэмцээнийг Хан-Уул дүүргийн Биеийн тамир, спортын хороо, Эрүүл мэндийн төв хамтран анхлан зохион байгуулж, цаашид жил бүр уламжлал болгон явуулахаар шилжин явах “ЦОМ”-той боллоо.
Багийн дүнгээр
– Шилжин явах “Цом”-ын эзнээр 13-р хороо “Туул тосгон”
– 2-р байрт 11-р хороо, “Амгалан өрх” эрүүл мэндийн төв
– 3-р байрт 12-р хороо, “Био-асралт” өрхийн эрүүл мэндийн төвийн багууд эхний 3 байранд тус тус шалгарлаа.
