Сар шинийн өдрүүдэд Хан-Уул дүүргийн Засаг даргын Тамгын газрын “Иргэдэд үйлчлэх төв байр”нд ерөнхий эргүүл, хариуцлагатай жижүүр ажиллуулах тухай Засаг даргын захирамж гарлаа. Захирамжийн дагуу томилогдсон ерөнхий эргүүл, хариуцлагатай жижүүрүүд /2021.02.11-ний өдрийн 09:00 цагаас 2021.02.15-ны өдрийн 09:00/ цаг хүртэл бэлэн байдалд ажиллаж, шуурхай мэдээллийг хүлээн авна. Мөн энэ өдрүүдэд Засаг даргын дэргэдэх хэлтэс, нэгжүүд, хороодын Засаг даргын ажлын албад тус тусын байрандаа хариуцлагатай жижүүр ажиллуулахыг үүрэг болголоо. Баяр, амралтын өдрүүдээр ерөнхий эргүүл, хариуцлагатай жижүүр болон Онцгой комиссын гишүүд, ажлын хэсгийн бүрэлдэхүүн, мэргэжлийн албад, хэлтэс албадын дарга, захирал, эрхлэгч нар байнгын бэлэн байдалд байж, гар утсаа нээлттэй байлгахыг даалгав. Дээрх өдрүүдэд шуурхай мэдээллийг Хан-Уул дүүргийн Шуурхай штабын 83120466 дугаарын утсанд болон нийслэлийн Шуурхай удирдлага, зохицуулалтын төвийн 11310005 дугаарын утсанд холбогдож өгөх боломжтой. ХАН-УУЛ ДҮҮРГИЙН ЗАСАГ ДАРГЫН ТАМГЫН ГАЗАР
Эдийн засаг санхүүгийн хүндрэлтэй байгаа энэ үед Мега ворлд ХХКомпанийн хамт олон халуун сэтгэлийн гараа сунгаж Харвалт шигдээсийн...