2024 оны 01 сарын 04-ны өдөр Дугаар А/01 Улаанбаатар хот
Агаарын бохирдлын эх үүсвэрийн тооллого
явуулах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1 дэх хэсэг, Агаарын тухай хуулийн 8 дугаар зүйлийн 8.1.1, 8.1.5 дахь заалт, 27 дугаар зүйлийн 27.2 дахь хэсэг, Байгаль, орчин, аялал жуулчлалын сайдын 2018 оны “Журам батлах тухай” А/479 дүгээр тушаал, Нийслэлийн Засаг даргын 2023 оны 11 сарын 20-ны өдрийн А/1313 дугаар захирамжийг тус тус үндэслэн ЗАХИРАМЖЛАХ нь:
1.Агаарын бохирдлын эх үүсвэрийн бүртгэл, тооллогын ажлыг 2024 оны 01 дүгээр сарын 05-ний өдрөөс 02 дугаар сарын 26-ний өдрийн хооронд зохион байгуулах үүрэг бүхий Ажлын хэсгийн бүрэлдэхүүнийг хавсралтаар баталсугай.
2.Агаарын бохирдлын эх үүсвэрийн бүртгэл, тооллогын ажлыг зохион байгуулан 03 дугаар сарын 01-ний өдрийн дотор Засаг даргын зөвлөлийн хуралд танилцуулахыг Тохижилт, нийтийн аж ахуйн хэлтэс (Г.Туяацэцэг)-т даалгасугай.
3.Захирамжийн хэрэгжилтэд хяналт тавьж ажиллахыг Засаг даргын Тамгын газрын дарга (С.Энхбаяр)-д үүрэг болгосугай.
ЗАСАГ ДАРГЫН ОРЛОГЧ Б.ЦЭРЭН