2024 оны 05 сарын 17-ны өдөр Дугаар А/283 Улаанбаатар хот
Камерын ашиглалт, засвар үйлчилгээ гүйцэтгэх
ажилд хяналт тавих ажлын хэсэг байгуулах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Төсвийн тухай хуулийн 14 дүгээр зүйлийн 14.2.3 дахь заалт, “Дүүргийн 2024 оны орон нутгийн төсвийг батлах тухай” Хан-Уул дүүргийн иргэдийн Төлөөлөгчдийн Хурлын 2024 оны 02 дугаар сарын 29-ний өдрийн 03 дугаар тогтоолыг тус тус үндэслэн ЗАХИРАМЖЛАХ нь:
Хан-Уул дүүргийн нутаг дэвсгэрт улс, нийслэл, дүүргийн төсвийн хөрөнгө оруулалтаар суурилуулсан камерын ашиглалт, засвар үйлчилгээ гүйцэтгэх ажилд хяналт тавих ажлын хэсгийг дараах бүрэлдэхүүнтэйгээр байгуулсугай. Үүнд:
Ажлын хэсгийн дарга: Тохижилт, нийтийн аж ахуйн хэлтсийн дарга
Гишүүд: Тохижилт, нийтийн аж ахуйн хэлтсийн
Ногоон байгууламжийн гүйцэтгэл, хяналт
хариуцсан ахлах мэргэжилтэн
Тохижилт, нийтийн аж ахуйн хэлтсийн
Авто зам, дэд бүтэц хариуцсан инженер
Төрийн захиргааны удирдлагын хэлтсийн
Дотоод сүлжээний инженер
Нарийн бичгийн дарга: Тохижилт, нийтийн аж ахуйн хэлтсийн
Гэрэлтүүлэг, камержуулалт хариуцсан
мэргэжилтэн
Дээрх ажлыг зохион байгуулахад шаардагдах хяналтын зардлыг ажлын гүйцэтгэлээр тухай бүрт нь зарцуулж, хяналт тавьж ажиллахыг Засаг даргын Тамгын газар (С.Энхбаяр)-т, Санхүү, төрийн сангийн хэлтэс (М.Цогзолмаа)-т тус тус зөвшөөрсүгэй.
ЗАСАГ ДАРГА Ж. АЛДАРЖАВХЛАН