2024 оны 07 сарын 19-ний өдөр Дугаар А/453 Улаанбаатар хот
Дүүргийн мал аж ахуй эрхлэхийг хориглосон
бүсэд нэвтэрсэн малыг түр хадгалах хашааг хариуцан
ажиллах хуулийн этгээдийг сонгон шалгаруулах
ажлын хэсэг байгуулах тухай
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, 62 дугаар зүйлийн 62.1.1 дэх заалт, Мал, амьтны эрүүл мэндийн тухай хуулийн 7 дугаар зүйлийн 7.15, 15 дугаар зүйлийн 15.4, 15.5 дах заалт, Нийслэлийн иргэдийн Төлөөлөгчдийн Хурлын 2024 оны “Мал аж ахуй эрхлэхийг хориглох бүсийн хил хязгаарыг тогтоож, журам батлах тухай” 09 дүгээр тогтоолыг тус тус үндэслэн ЗАХИРАМЖЛАХ нь:
1.“Мал аж ахуй эрхлэхийг хориглосон бүсэд нэвтэрсэн малыг түр хадгалах, түүнтэй холбогдон гарсан зардлыг нөхөн төлүүлэх” журмын 2.3-т заасан шаардлагыг хангасан хуулийн этгээдийг сонгон шалгаруулах үүрэг бүхий ажлын хэсгийг дараах бүрэлдэхүүнтэйгээр байгуулсугай.
Ажлын хэсгийн дарга: Ц.Эрдэнэбаатар
Дүүргийн менежер
Гишүүд: Л.Саруултуяа
Хүнс, худалдаа үйлчилгээний хэлтсийн дарга
Ч.Байгаль
Хууль, эрх зүйн хэлтсийн дарга
М.Цогзолмаа
Санхүү, төрийн сангийн хэлтсийн дарга
Т.Дамбийням
Дүүрэг дэх Цагдаагийн газрын дарга
Д.Бат-Эрдэнэ
Онцгой байдлын хэлтсийн дарга
Б.Сувд-Эрдэнэ
Мал эмнэлгийн тасгийн дарга
Д.Батчимэг
Газар, зохион байгуулалтын албаны дарга
Нарийн бичиг: Б.Нарантуяа
Хүнс, худалдаа үйлчилгээний хэлтсийн Хүнс,
хөдөө аж ахуй хариуцсан мэргэжилтэн
2.Сонгон шалгаруулалт зохион байгуулах ажлын удирдамжийг хавсралтаар баталсугай.
3.Ажлын хэсгийг нэгдсэн удирдлагаар хангаж, авч хэрэгжүүлсэн арга хэмжээ, үр дүнг тайлагнаж ажиллахыг ажлын хэсэг (Ц.Эрдэнэбаатар)-т үүрэг болгосугай.
4.Энэхүү захирамж гарсантай холбогдуулан дүүргийн Засаг даргын 2024 оны А/346 дугаар захирамжийг хүчингүй болгосугай.
ЗАСАГ ДАРГА Б.ЦЭРЭН