Хан-Уул дүүргийн ерөнхий боловсролын сургуулийн бага ангийн сургалтын менежерүүд, бага ангийн 3 багш, Баянгол дүүргийн менежерүүдийн хамтаар ӨМӨЗО-ны Шилийн гол аймгийн Шилийн хотын Ажил мэргэжлийн дээд сургуулийн урилгаар сургуулийн үнэт зүйл, сургуулийн соёл, Монгол ёс уламжлалаа дээдлэн суралцах арга зүй, танхимын бус сургалт, хичээлийн бус цагаар хүүхдийг хөгжүүлэх арга зүйн сургалт, туршлага солилцох үйл ажиллагаанд оролцлоо.
Мөн НИТХ-ын Тэргүүлэгч, ХУД-ийн Засаг дарга Ж.Алдаржавхлан, Боловсролын хэлтсийн дарга Ж.Отгонхорлоо нар тухайн үйл ажиллагаанд оролцоод ирсэн багш, менежерүүдийг хүлээн авч уулзан цаашид хийж хэрэгжүүлэх ажлын чиглэл, хамтран ажиллах талаар харилцан санал солилцлоо.
Багш, менежерүүдийн хөгжилд үнэтэй хувь нэмэр оруулсан ХУД-ийн Засаг дарга Ж.Алдаржавхлан болон Боловсролын хэлтсийн дарга Ж.Отгонхорлоо, бага боловсрол хариуцсан мэргэжилтэн Д.Чинбаатар нарт талархал илэрхийлж, ажлын өндөр амжилт хүсэе хэмээлээ.
