Хан-Уул
Мэдээлэл

“ХҮҮХДЭЭ СОНСОХ ӨДӨР” ЗОХИОН БАЙГУУЛАГДЛАА


Нийслэлийн Хүүхдийн төлөө зөвлөлийн 2017 оны 05 дугаар сарын 30-ны өдрийн хоёрдугаар хуралдаанаас жил бүрийн 05 дугаар сарын сүүлйн долоо хоногийн лхагва гарагийг “Хүүхдээ соносох өдөр” болгон зохион байгуулж байхаар шийдвэрлэсэн.
Энэ ажлын хүрээнд Хан-Уул дүүргийн Боловсролын хэлтсээс санаачлан 2017 оны 05 дугаар сарын 31-ний өдөр дүүргийн хэмжээнд “Хүүхдээ сонсох өдөр”-ийг Дүүргийн соёлын ордонд  зохион байгууллаа.

Энэхүү үйл ажиллагаанд Хан-Уул дүүргийн Засаг даргын орлогч А.Амартүвшин, Боловсролын хэлтсийн дарга Ж.Отгонхорлоо, Гэр бүл, хүүхэд, залуучуудын хөгжлийн хэлтсийн дарга О.Мягмарсүрэн, Мэргэжлийн хяналтын хэлтсийн дарга Б.Алтантуяа, Хөдөлмөр, халамж үйлчилгээний хэлтсийн дарга Б.Бадамсүрэн, Иргэний бүтгэлийн дарга С.Оюун-Эрдэнэ, Биеийн тамир спорт хорооны  дарга  Д.Жаргалсайхан, Тохижилт үйлчилгээний төв ОНӨААТҮГ-ын захирал  Ц.Эрдэнэбаатар, Албан бус насан туршийн боловсролын төвийн захирал Ж.Оюунцэцэг, Цагдаагийн II хэлтсийн хэв журмын ахлах байцаагч цагдаагийн ахмад Л.Болд, Цагдаагийн I хэлтсийн ахлах байцаагч цагдаагийн ахмад н.Ганзориг, Онцгой байдлын хэлтсийн ахмад Ж.Ганхуяг нар оролцож хүүхдүүдийн санал бодлыг сонсож, харилцан ярилцлаа.

Мөн ерөнхий боловсролын сургуулийн нийгмийн ажилтнууд, ерөнхий боловсролын сургуулийн 108 сурагч оролцов.
Мөн хүүхдийн өмнө ямар асуудлууд тулгарч байгаа түүнийг хэрхэн шийдвэрлэх, хүүхэд чөлөө цагаа зөв боловсон өнгөрөөх, сургуулийн спорт заалыг сурагчдад хүртээмжтэй ашиглуулах, сургуулийн цайны газрын хоол хүнсний эрүүл аюулгүй байдал, сурагч солилцоо явуулах  цаашид хэрхэн шийдвэрлэх талаар ярилцсан байна.