Хан-Уул дүүргийн Засаг даргын 2017-2020 оны үйл ажиллагааны хөтөлбөрт тусгагдсан “Эко дүүрэг-Ногоон хөгжил” зорилтыг хэрэгжүүлэх ажлын хүрээнд Боловсролын хэлтэс, сургууль, цэцэрлэгүүдийн дунд төрөл бүрийн ажлуудыг зохион байгуулж байна.
2018 оны “Хүндэтгэлийн өдөр” Боловсролын хэлтэс байгуулагдсаны түүхт 10 жилийн ойн хүрээнд үйлчилгээний ажилчдадаа хүндэтгэл үзүүлэх “Хүндэтгэлийн өдөр” арга хэмжээг зохион байгууллаа.
Энэхүү арга хэмжээ сурагчдад үйлчилгээний ажилчдаа хайрлан тэдний хөдөлмөрийг хүндэтгэх, урам зориг, сэтгэлийн дэм өгөх чадварыг төлөвшүүлэх зорилготой.
Хүндэтгэлийн өдрүүдэд “Үйлчилгээний ажилчдын ажил үүрэг”-ийг багш, ахлах ангийн сурагчид гүйцэтгэж, энэ хугацаанд тэднийг сургалт, хичээл, эмчийн үзлэгт хамруулах, тэдэнд зориулсан урлагийн тоглолт зэрэг ажлыг зохион байгуулахад 1324 багш, 27283 суралцагч, 546 ажилчид хамрагдсан байна.
Түүнчлэн Боловсролын хэлтсийн хамт олон Засаг даргын Тамгын газрын үйлчилгээний ажилчдыг хүлээн авч хүндэтгэл үзүүлэн цэвэр цэмцгэр таатай орчинд ажиллаж хөдөлмөрлөх нөхцөл бололцоогоор хангаж байдагт талархал илэрхийлж эрүүл энх сайн сайхан ,ажлын өндөр амжилт хүслээ.
