Нийслэлийн Боловсролын Газраас 2018 оныг Орос хэлний боловсролыг дэмжих жил болгосонтой холбогдуулан төлөвлөгөөт олон арга хэмжээ зохион байгуулж байгаа бөгөөд 2018 оны 05 дугаар сарын 11-ний өдөр Монгол 3 дугаар дунд сургууль дээр Нийслэлийн Орос хэлний багш нарын дунд “АРГА ТУРШЛАГАА ХУВААЛЦАХ” өдөрлөг зохион байгуулагдсан байна.
Тус арга хэмжээнд НБГ-ын орлогч дарга Ц.Отгончимэг, Монгол улс дахь ОХУ-ын Элчин Сайдын Яамны Нэгдүгээр нарийн бичгийн дарга Татьяана Чагдуровна, НБГ-ын ахлах мэргэжилтэн Т.Сараннэмэх, А.С.Пушкины нэрэмжит шагналтан доктор профессор н.Алтанцэцэг болон ерөнхий боловсролын сургуулиудын захирлууд хүндэт зочноор уригдан оролцож баяр хүргэж үг хэлэн өөрсдийн илтгэлийг хэлэлцүүллээ.
Өдөрлөгөө нийслэлийн 9 дүүргийн орос хэлний багш нарын бүтээлийн үзэсгэлэн тавигдан дүүрэг бүрээс 1 шилдэг багш өөрийн арга туршлагаа түгээн дэлгэрүүлэх илтгэл тавьж, мөн урлагийн тоглолтоор мэндчилгээ дэвшүүлэн “Русский чай” арга хэмжээ зохион байгууллаа.
Тус дүүргийн төрийн өмчийн 15 ЕБС-иудын 32 мэргэжлийн багш нар 95%-тай идэвхтэй сайн оролцлоо.
