Хан-Уул дүүргийн өсвөр үеийн аварга шалгаруулах Жүдо бөхийн тэмцээн 2019 оны 02 дугаар сарын 21-ний өдөр дүүргийн БТСХ-ны зааланд амжилттай зохион байгуулагдаж, дүнгээ гаргалаа.
Тэмцээнд дүүргийн 14 сургуулийн 250 гаруй өсвөрийн бөхчүүд 24 жинд 96 багц медалийн төлөө хүч чадал авхаалж самбаа сорин өрсөлдсөнөөс багийн нийлбэр дүнгээр А.Хурц-Од багштай аварга сургуулийн баг тамирчид 1 дүгээр байр, Мөнхдалай багштай 59 дүгээр сургуулийн баг тамирчид 2 дугаар байр, Б.Сэр-Од багштай 26 дугаар сургуулийн баг тамирчид 3 дугаар байр тус тус эзэллээ.
Тэмцээний ерөнхий шүүгчээр Хан-Уул дүүргийн Засаг даргын дэргэдэх жүдо бөхийн өсвөрийн шигшээ багийн дасгалжуулагч МУГД Ш.Цэвэлмаа, шүүгчдээр жүдо бөхийн олон улсын шүүгч Б.Түмэнцэцэг, шүүгч Бэхжээ, Мэргэн, Номин, Хэрлэн, Хонгорзул нар ажиллалаа.
