Соёлын биет бус өвийг иргэд, олон нийтэд сурталчлан таниулах, хадгалж хамгаалах, соёлын биет бус өв тээгчдийг алдаршуулах, авьяас билгийг хөгжүүлэх, бүх нийтийн соёлын боловсролыг дээшлүүлэх, соёлын бүтээлч үйлдвэрлэлийг хөгжүүлэх зорилгоор 3 жил тутам улсын хэмжээнд зохион байгуулагддаг “Нүүдэлчин Монгол-2022” соёлын биет бус өвийн их наадмын эхний шатны шалгаруулалтад Хан-Уул дүүрэг амжилттай оролцлоо.
Наадамд оролцогчид Боловсрол, соёл, шинжлэх ухаан, спортын сайдын 2019 оны А/759 дүгээр тушаалаар батлагдсан “Монгол Улсын соёлын биет бус өвийн төлөөллийн үндэсний бүртгэл”, “Яаралтай хамгаалах шаардлагатай соёлын биет бус өвийн үндэсний бүртгэл”-д хамаарах 7 ай саваар оролцож, зан үйл, язгуур урлагийн тоглолт, гар урлалын үзэсгэлэн, соёлын бүтээлч үйлдвэрлэл, үзэсгэлэн худалдааг гаргаж, иргэд олон нийтэд сурталчлаа.
