2021 оны 12 сарын 14 өдөр Дугаар А\632 Улаанбаатар
“ Шилдэг хэлтэс”, “Шилдэг хороо”
шалгаруулах тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2, Төсвийн тухай хуулийн 14 дүгээр зүйлийн 14.2.3, Сангийн сайдын 2021 оны 61 дүгээр тушаал, дүүргийн Засаг даргын 2021 оны 12 дугаар сарын 02-ны өдрийн А/607 дугаар захирамжийг тус тус үндэслэн ЗАХИРАМЖЛАХ нь:
- Хан-Уул дүүргийн төр захиргааны байгууллагын 2021 оны үйл ажиллагааны үр дүнд хяналт шинжилгээ, үнэлгээгээр бүрэн хангалттай үнэлэгдсэн “Шилдэг хэлтэс”, “Шилдэг хороо”-г шагнаж, урамшуулах ажлыг зохион байгуулахыг Засаг даргын Тамгын газрын дарга (С.Энхбаяр)-т үүрэг болгосугай.
- Шаардагдах зардлыг хавсралтаар баталж, Засаг даргын нөөц хөрөнгөөс гаргахыг Засаг даргын Тамгын газар (С.Энхбаяр)-т, Санхүү, төрийн сангийн хэлтэс (М.Цогзолмаа)-т тус тус зөвшөөрсүгэй.
ЗАСАГ ДАРГА Ж.АЛДАРЖАВХЛАН