Хан-Уул дүүргийн Засаг даргын 2021-2024 онд хэрэгжих “Зөв хүүхэд-Зөв ирээдүй” дэд хөтөлбөр, “Богцон дахь соёлын өв” төслийн хүрээнд иргэд олон нийт, хүүхэд, залуучуудад соёлын өвийн боловсрол олгох, өвийг хайрлан хамгаалах, өвийн боловсролыг түгээн дэлгэрүүлэх зорилготой “Бидний өв – Манай дүүрэгт” цахим контент, бүтээлийн уралдаан зохион байгуулагдаж, шилдгүүдээ шалгарууллаа.
“Бидний өв – Манай дүүрэгт” цахим контент, бүтээлийн уралдаанд дүүргийн ерөнхий боловсролын 21 сургууль, зургаан МСҮТ-коллеж, 25 хорооны иргэд оролцон ангилал тус бүрээр шалгаруулан шагнаж урамшууллаа.
Шагналыг дүүргийн Засаг даргын нэгдүгээр орлогч Б.Цэрэн гардууллаа.
Ерөнхий боловсролын сургуулийн ангилалд:
Тэргүүн байрт 18 дугаар сургууль,
Дэд байрт 34 дүгээр сургууль,
Гутгаар байрт 7 дугаар сургууль,
БҮТЭЭЛЧ ангиар Ерөнхий боловсролын 118 дугаар сургууль тус тус шалгарлаа.
Мэргэжлийн боловсролын сургуулийн ангилалд:
Тэргүүн байрт Хүнс Технологийн Политехник коллеж,
Дэд байрт Механик, тээврийн сургуулийн Мэргэжлийн сургалт үйлдвэрлэлийн төв
Гутгаар байрт Хангай мэргэжлийн сургалт үйлдвэрлэлийн төв
Иргэдийн ангилалд:
Тэргүүн байрт 13 дугаар хорооны иргэн Ц.Сүхбаатар
Дэд байрт 6 дугаар хорооны иргэн Б.Гэрэлтуяа
Гутгаар байрт 25 дугаар хорооны иргэн Г.Дарьбадам нар шалгарлаа.
Уралдаанд идэвхтэй оролцсон сургуулийн хамт олон иргэддээ талархал илэрхийлье.
Хан-Уул дүүргийн Албан бус-Насан туршийн боловсролын төв
